Ers blynyddoedd lawer rydym wedi bod yn cynhyrchu coed tân ac rydym wedi arbenigo mewn cynhyrchu pren caled a choed conwydd o ansawdd uchel fel tanwydd. Rydym wedi sicrhau achrediad trwy aelodaeth o Woodsure-Plus fel cwmni sy’n darparu Tanwyddau sy’n Sicrhau Ansawdd.
Coed Tân Sy’n Barod I’w Llosgi
- Coed o ansawdd uchel, sy'n addas ar gyfer tanau agored, stofiau llosgi coed a boeleri nwyeiddio pren.
- Cyflenwr achrededig 'Woodsure Plus' o goed tân o ansawdd uchel. Mae hwn yn Gynllun Tanwydd Coed o Ansawdd sy'n cael ei redeg gan HETAS i sicrhau bod y coed a gynhyrchir o safon uchel.
- Yn gallu darparu coed tân wedi'u sychu drwy'r cynllun 'Woodsure R2B (Ready to burn)’, fel cyflenwr cymeradwy HETAS.
- Wedi'i gynnwys ar y Rhestr Cyflenwyr Biomas (BSL) fel cwmni sy’n gallu cyflenwi coed sy'n cydymffurfio â safonau RHI ar gyfer boeleri nwyeiddio pren.
- Wedi'i gynnwys ar Gynllun Tanwydd sy’n Sicrhau Ansawdd Woodfuels Wales, fel cwmni sy’n cyflenwi coed tân o ansawdd uchel yng Ngwynedd a Gogledd Cymru.
Cynhyrchu Coed Tân
- Ceir coed tân o'r ansawdd gorau drwy ddilyn dull traddodiadol o gynaeafu a phentyrru. Caniateir i bren sychu ac aeddfedu'n naturiol am nifer o flynyddoedd, cyn ei fod yn barod i'w ddefnyddio.
- Mae pren yn cael ei dorri i tua 2.5m / 8' o hyd, cyn ei bentyrru y tu allan yn ein hiard goed nes ei fod yn barod i gael ei ail-dorri a'i hollti i hyd a thrwch sy’n addas i stofiau llosgi coed. Mae’n cymryd 1 i 2 flynedd i bren meddal/conwydd sychu neu 2 i 3 blynedd ar gyfer coed caled.
- Mae pren tanwydd yn adnodd adnewyddadwy, a gesglir o goetiroedd lleol o dan systemau rheoli cynaliadwy.
- Mae Pren tanwydd o’r ansawdd gorau fel arfer yn cael ei werthu yn ôl cyfaint yn hytrach na phwysau, gan fod y pren yn sych ac yn gymharol ysgafn.
- Tuedda llwythi tunnell i fod yn rhai sydd heb orffen sychu ac yn 'wyrdd' neu'n wlyb. Mae'r llwythi trwm hyn yn cynnwys lleithder o hyd ac fel arfer nid ydynt yn addas i'w llosgi mewn stofiau 'caeedig', megis stofiau llosgi coed a boeleri nwyeiddio. Mae angen tocyn pont bwyso ar gyfer y llwythi hyn os ydych chi’n derbyn coed drwy'r dull hwn.
ARCHEBU COED TÂN
- Mae llwythi'n cynnwys boncyffion wedi'u torri i'ch hyd dewisol, ac yna'n cael eu hollti’n ddarnau llai, neu 'biledau', yn barod i'w rhoi ar y tân. Gall hyd y biledau amrywio o 20 – 50 cm (8-20"), ac yn 10-15cm mewn diamedr.
- Fel arfer, mae llwythi'n cynnwys cymysgedd 'hanner a hanner' o bren caled a meddal - gradd Canolradd / 3 seren.
- Y graddau eraill sydd ar gael yw Premiwm / 4 seren (pob math o bren caled) a Cyffredin / 2 seren (pob math o bren conwydd/meddal). Mae gwahanol gyfrannau o bren caled a phren meddal ar gael ar gais, neu os yw'n well gennych gael rhywogaeth benodol, er enghraifft derw, onnen neu binwydd.
- Mae'r llwythi'n cynnwys boncyffion rhydd neu 'swmp', a ddarperir fel arfer gan wagen godi. Llwythi swmp o 1 – 4m³ neu luosrifau ohonynt.
- Gellir cludo coed tân i'ch drws er hwylustod i'r cwsmer. Defnyddir tri cherbyd cludo, o faint cynyddol. Wrth i'r llwythi fynd yn fwy cewch well gwerth am eich arian. Mae llwythi llai, sachau a hanner llwythi ar gael ar gais
- Mae ein hardal gludo fel arfer o fewn 20 – 25 milltir i Fethesda. Mae hyn yn cynnwys Gogledd Orllewin Gwynedd, Ynys Môn, Conwy a Phorthmadog.
- Mae'r holl brisiau a ddyfynnir yn cynnwys cludiant a TAW @ 5% (cyfradd tanwydd domestig).
- Mae gostyngiadau ar gael wrth archebu llwythi lluosog, pren wedi'i sychu'n rhannol, pren gwyrdd neu bren wedi'i dorri'n ffres. Manylion ar gael trwy ymholi.
O ble mae ein coed tân yn dod?
Daw rhywfaint o’r coed, derw yn bennaf, o'n coetir llydanddail ein hunain. Mae'r coetir hwn yn cael ei reoli mewn dull anfasnachol, gyda'r pwyslais ar hybu bioamrywiaeth a bywyd gwyllt, yn enwedig blodau, adar ac ystlumod y coetir.
